Gati 54.000 emigrantë në Gjermani, të cilëve u mungonin dokumentet e ligjshme, tani kanë marrë leje qëndrimi të përkohshme përmes një reforme të miratuar nga qeveria gjermane.
Dispozitat zbatoheshin kryesisht për migrantët që prisnin një vendim për aplikimet për azil në Gjermani ose ata me të ashtuquajturin status qëndrimi “të toleruar”, që zakonisht nënkupton personat që janë urdhëruar të largohen nga vendi, por që nuk mund të dëbohen për arsye të ndryshme.
Ky është një lajm i mirë edhe për emigrantët shqiptarë, pasi personat e kualifikuar do të marrin një leje qëndrimi të përkohshme 18-mujore, së bashku me anëtarët e familjes.
Ata që kanë njohuri të mjaftueshme të gjermanishtes dhe kanë sqaruar çdo pyetje në lidhje me identitetin e tyre, mund ta shndërrojnë lejen e përkohshme në një leje qëndrimi të rregullt.
