FMN ka bërë disa projektime të reja në lidhje me plakjen e popullsisë. Sipas projeksioneve deri në 2070-ën, të moshuarit mbi 65 vjeç do të përbëjnë 40% të totalit të popullsisë.
Sipas institucionit ndërkombëtar, duke marrë në konsideratë emigracionin e lartë dhe lindshmërinë e ulët, pritet që kjo grupmoshë të jetë sa 80% i fuqisë punëtore, niveli më i lartë në të gjithë rajonin.
Ekspertët shprehen se projeksionet janë më alarmante se më parë, ndersa të rrezikuar nga ndryshimet demografike është edhe skema e pensioneve.
Në analizën e saj, FMN vlerëson se skema shtetërore e pensioneve mbulon numrin më të lartë të përfituesve se në të gjithë vendet e Ballkanit. Ndërkohë kontributi që japin të vetëpunësuat në këtë skemë është ndër më të ulëtit, duke përkeqësuar raportet dhe rritur financimin nga buxheti. Qeveria po punon me Bankën Botërore për një reformë të re të skemës.
