Aktori i njohur, Petrit Malaj ka treguar se pasuria më e madhe që ka marrë nga prindërit e tij është dashuria për vendin dhe për njerëzit, ndërsa zbulon se nga pikëpamja financiare mundësitë e tyre kanë qenë të pakta.
Ish-kandidati per deputet ne Partinë Socialiste tregon se fëmijëve të tij ai u ka lënë dashurinë për dije, ndërsa është krenar që ka arritur t’i shkollojë.
“Unë jam i kënaqur që investimi që kam bërë për fëmijët e mi nuk më ka shkuar kot. Shkollimi që ata morën njëri ekonomik, e tjetri juridik nuk ka shkuar kot, ata janë në punë, përpiqen, bëjnë gjithçka. Unë zgjohem i qetë në mëngjes, ata janë bërë me fëmijë. Por çfarë ka ndodhur tjetër?! Pa dyshim që ata kanë kredi, jetojnë në një shtëpi të tyre. Kanë marrë kredi sepse babai i tyre nuk e kishte atë mundësi që t’u linte ndonjë shtëpi apo pasuri të konsiderueshme që ata ta trashëgonin më tej” u shpreh Petrit Malaj.
