Flamur Noka, në një takim me militantët demokratë është shprehur se bashkimi me Gaz Bardhin do ta rrëzojë “regjimin imagjinar” të Edi Ramës.
“Ne demokratët treguam se pavarësisht terrorit për të na përçare, e përballuam këtë regjim dhe jemi sot më të fortë dhe më të bashkuar për t’i bërë ballë këtij regjimi dhe për ta rrëzuar. Kjo meritë është e çdo demokrati që ka pranuar sakrificën këto vite duke rezistuar me një qëllim. Qëllimi është të shohë një PD të bashkuar dhe të aftë për t’i kthyer shpresën shqiptarëve.
Nuk ka ndodhur kurrë në asnjë vend ky sulm që i bëhet opozitës. Nuk ka ndodhur sepse nuk ka një qeveri si kjo, një regjim kaq barbarë sa regjimi i Edi Ramës. Jemi të bashkuar prej 4 muajsh në aksionin opozitar, por sot jemi të bashkuar në rrënjë dhe degë dhe kjo e ka tmerruar regjimin e Edi Ramës. Bashkimi ynë ka ngjallur shpresë te demokratët dhe shqiptarët”, tha Noka.
