Ambasadorja amerikane, Yuri Kim ka shkruar këtë të shtunë një editorial për korrupsionin në Shqipëri. “Korrupsioni Gërryen Potencialin e Shqipërisë”, titullohet shkrimi i Yuri Kim, i publikuar këtë 10 dhjetor dhe kanalin zyrtar të Ambasadës së SHBA.
“Shtetet e Bashkuara vazhdojnë të intensifikojnë përpjekjet tona për t’u përballur me korrupsionin dhe për t’iu kërkuar llogari aktorëve të korruptuar. Pse? Sepse ne duam ta shohim Shqipërinë – mike dhe aleate e jona në NATO – të rritet më e fortë dhe më e pasur“, shkruan fillimisht Kim.
Më tej, diplomatja e lartë amerikane fton institucionet e drejtësisë të Shqipërisë që të bashkohen me nismën amerikane për ta ngritur anti-korrupsionin si çështje qendrore – për të bërë të qartë se të gjithë janë të barabartë përpara ligjit.
“[…] që askush nuk është mbi ligjin, që ditët e pandëshkueshmërisë po i afrohen fundit, që populli Shqiptar mund të mbështetet tek institucionet shqiptare për të dhënë drejtësi, dhe që cilido ka një mundësi të drejtë dhe të barabartë për sukses në Shqipëri”, shkruan Kim.
