Ish-kryetari i KQZ, Kristaq Kume ka treguar se çfarë do të ndodhë me bashkinë e Himarës, pas dënimit të Fredi Belerit.
Kume sqaron se pasi të merret vendimi edhe në Apel, atëherë nëse Beleri dënohet dhe shpallet i fajshëm, do të mbahen zgjedhje të reja.
“Efekti i vendimit për sa i takon çështjes së bashkisë, është zero. Ky vendim nuk prodhon asnjë ndryshim. Deri sa të përfundojnë procesi deri në fund, atëherë mund të flasim se çfarë mund të ndodhë me bashkinë Himarë. Nëse nuk është i fajshëm do të shkojë të betohet, nëse është i fajshëm, i ndërpritet mandati. Më pas presidenti shpall datën se kur mund të mbahen zgjedhje të reja. Ndërkohë në këtë fazë që jemi, betimi nuk ka afat”, tha Kume.
Gjykata e Posaçme vendosi që të shpallë fajtor për korrupsion aktiv në zgjedhje kryetarin e zgjedhur të Bashkisë së Himarës, Fredi Beleri dhe e dënoi atë me 2 vjet burg.
