Vajza e ish-kryeministrit Sali Berisha, Argita Malltezi deklaroi se varet se si vjen jeta dhe sipas saj, do e marrë drejtimin e partisë nëse do të jetë e nevojshme, duke e lënë të hapur si mundësi.
Pyetje: A keni ambicie për të qenë ju lidere e PD?
Malltezi: “E kam provuar edhe me qëndrimin tim që nga 2013 e këtej që nuk kam ambicje për të marrë një pozicion të tillë. Nuk kam ambicie për të marrë një pozicion të tillë. Jam shumë e kënaqur me profesionin dhe punën që bëj, por jeta merret ashtu siç të vjen. Dhe këto rrethana më kanë sjellë të merrem me çështje të tilla, publikisht dhe privatisht. Unë i përgjigjem atyre nevojave që ka çështja për momentin. Aktualisht jam e angazhuar dhe vij edhe në këtë studio për shkak të kësaj çështjeje. Nuk kam ambicie politike, por kam qenë gjithnjë kontributore dhe aktiviste e PD. Gjithmonë do të jem. Nëse është e nevojshme të rris angazhimin tim në politikë do ta bëj. Jeta merret ashtu siç të vjen”
