Punëtorët e ndërtimit në Shqipëri po bëjnë progres për të transformuar një ish bazë ajrore ushtarake në një qendër migrantësh në Gjadër.
Nesër kryeministrja italiane Giorgia Meloni pritet të vizitojë ish-fushën ajrore në Gjader, ndërsa buldozerët po rrafshojnë tokën për të akomoduar kontejnerë të rinj të bardhë që vijnë nga Italia me qëllim strehimin e emigrantëve.
Italia ra dakord me një marrëveshje me Shqipërinë për të ngritur një qendër në Gjadër dhe një tjetër në qytetin bregdetar të Shëngjinit për të pritur emigrantët e shpëtuar në det nga anijet italiane, ndërsa kërkesat e tyre për azil janë duke u përpunuar. Por një pensionist nga Gjadri e kishte një “leksion” për shqiptarët që kanë frikë nga emigrantët.
“Dikush na ka nderuar më parë duke na pranuar si refugjatë dhe ne tani duhet të bëjmë të njëjtën gjë. Unë nuk shoh asnjë problem nga emigrantët që mbërrijnë këtu”, tha i moshuari Gjok Prenga, shtëpia e të cilit është pranë qendrës së emigrantëve.
