Për herë të parë në Shqipëri prodhohet automjeti ushtarak i blinduar.
I pagëzuar me emrin ‘Shota’, ky automjet i blinduar është një prodhim i ri i vajzës nga Bulqiza, Arjeta Puca dhe ekipit të saj.
Administratorja e kompanisë Arjeta Puca tha se makina është përfunduar brenda një kohe shumë të shkurtër, rreth 3 muaj dhe me prezantimin e saj kompania ka patur shumë interesim nga shtetet e huaja.
“Automjeti do të prezantohet në panairin e Parisit në datat 17-21 qershor. Që tani ka patur shumë interes sepse na kanë rezervuar shumë takime, jo vetëm për autoblindin, por edhe për produktet tona të tjera. Kompani nga Polonia, çekia, Ukraina kanë qejf të ndërtojnë fabrika këtu në Shqipëri për të prodhuar dronë ushtarakë” tha Puca.
