Babai i Qazim Laçit tha se ndihej mjaft krenar për djalin e tij i cili shënoi golin e parë ndaj Kroacisë.
Ai tha se çfarë ndodhi këtë të mërkurë, ishte një ëndërr të cilën e kishte dashur gjithë jetën, ndërsa shtoi se i biri së bashku me lojtarët e tjerë të ekipit janë heronjtë e Shqipërisë.
“Ishte një ëndërr që e ëndërroja gjithë jetën. Kur preku topin e parë, i thash bashkëshortes time që do të bëjë gol sot, por nuk më doli parashikimi se unë thash që do të fitojnë 2-1. U lumturuam shumë dhe unë dhe gruaja. Unë i kam thënë djalit të jesh i gatshëm gjithmonë, kur do luaj e di trajneri edhe dy minuta të futet, djali është i detyruar të japë shpirtin sepse ata janë 26 heronjtë tanë”, tha babai i lojtarit.
Qazim Laçi, një talent i jashtëzakonshëm që vjen nga nje familje e thjeshtë emigrantësh të cilët kanë vuajtur shumë ne Greqi për të nxjerr fëmijën e tyre në dritë.
