“Kemi një raport të ngrirë bashkëshortor”. Këto ishin fjalët e Monika Kryemadhit vetëm 2 muaj më parë në një intervistë që pati në emisionin “Opinion” në Tv Klan.
Ishte koha kur përplasjet “teatrale” mes Metës dhe bashkëshortes së tij në “Partinë e Lirisë” ishin në kulmin e tyre.
“Raporti im bashkëshortor me Metën është një raport për momentin i ngrirë për shkak të konfliktit në parti se sigurisht që brenda familjes tonë, familjes së vogël, ka ndërhyrë njerëz të cilët mendojnë që duke shkatërruar pozicionimet apo lidhjet familjare do të kenë karrierë politike. Mendoj që nuk është hera e parë që unë dhe Ilir Meta kemi këto konflikte. Ne nuk kemi këto konflikte parimore, morale midis njëri-tjetrit. Konfliktet tona janë vetëm konflikte politike” – tha Kryemadhi.
