Isuf Kadriu, korrespondent i Radios Evropa e Lirë, ka vdekur papritur të dielën në moshën 52-vjeçare.
Ai ka vdekur si pasojë e një sulmi kardiak në qytetin e Shëngjinit në Shqipëri, teksa ka qenë për pushime në bregdet me familjen e tij.
Kadriu ka raportuar për REL-in nga Shkupi, prej vitit 2002 dhe është një nga emrat me të shquar në redaksinë e Radios Evropa e Lirë. Prej vitit 2008, ai ka qenë edhe zëvendës-kryeredaktor në median “Alsat” në Maqedoni të Veriut.
Ai ka lënë mbrapa vetes gruan dhe tre fëmijë, por dhe një trashëgimi të pashlyeshme me punën e tij në Radion Europa e Lirë. Ngushëllimeve ju bashkohet edhe redaksia e gazetës “Rilindje.info”.
