Diçka më shumë se 24 orë na ndajnë nga përballja më e rëndësishme e këtij viti mes Shqipërisë dhe Spanjës.
Tekniku Sylvinho vijoi të analizonte kundërshtarin, ku nuk munguan as elozhet për “Iberikët”, teksa më tej i dha kurajo “Kuqezinjve” për sfidën e nesërme.
“Spanja është një skuadër që ka shumë cilësi, lojtarë shumë të mirë. Por lojtarët e mi janë të guximshëm. Çdo gjë mund të ndodhë gjatë 90 minutave. E dimë që kemi cilësi prandaj do të shkojmë në fushë për të luajtur. Jam i lumtur, ne përfaqësojmë Shqipërinë dhe jemi të lumtur që jemi në këtë grup të vdekjes dhe ne duam të luajmë për dicka. Ka 3 milion shqiptarë, në Shqipëri, po rreth 10 milionë shqiptarë në botë. Gjeneratat e tanishme janë duke gëzuar ndeshjet e Kombëtares në Kampionat Evropian. Spanja është skuadër e mirë por ne do të luajmë gjatë minutave dhe nëse fitojmë edhe më mirë. Do të jetë me të vërtetë kënaqësi e madhe për të luajtur në mesin e 16 skuadrave më të mira. Do të jetë e vështirë por do të bëjmë performancën tonë më të mirë”,- u shpreh Sylvinho.
