Fahrije Budo (Stinga) do të jetë gjyqtarja që do të marrë përsipër çështjen mbi divorcin e çiftit Ilir Meta-Monika Kryemadhi.
Këtë të mërkurë, u hodh shorti elektronik, gjashtë ditë pas regjistrimit të kërkesë padisë në Gjykatën e Shkallës së Parë të Juridiksionit të Përgjithshëm Tiranë, që ka si paditës shtetasin Ilir Meta dhe të paditur shtetasen Monika Kryemadhi.
Fahrije Stringa e ka nisur karrierën në sistemin e drejtësisë në vitin 2000 dhe punon prej më shumë se dy dekadash si gjyqtare në Gjykatën e Rrethit Tiranë. Ndërkohë, më 11 prill të vitit 2023 ajo u konfirmua nga Vetting-u, pasi mori vlerësim pozitiv për pastërtinë e figurës.
