Kryeministri Edi Rama ka publikuar në rrjetet sociale një video nga tuneli i Llogarasë i cili u hap vetëm pak ditë më parë.
Kreu i qeverisë shkruan se prej datës 5 korrik, e deri më sot (9 korrik), përmes këtij tuneli kanë kaluar 41 mijë automjete.
“Tuneli i Llogarasë, 41 mijë automjete kanë kaluar përmes tij nga dita e parë e hapjes e deri më sot”, shkruan Rama.
Tuneli i Llogarasë shkurton distancën për në jug, ndërkohë që nga Dukati në Palasë tani do bëhet për vetëm 7 minuta nga 30 minuta që bëhej më parë. Ndërkohë, nga Vlora në Palasë që nëse dikur bëhej për 1 orë, tashmë ajo do realizohet për 20 minuta.












