Franko, (djali i Nasip Naços) dhe Eliza (vajza e Edmond Haxhinastos) janë bërë prindër për herë të parë, ndërsa tashmë dhe dy ish-ministrat e LSI-së që janë krushq gëzojnë “statusin” si gjyshër. Çifti ka vendosur që fëmijën e tyrë të parë ta quajnë Gregory.
Lajmin e ëmbël e ka bërë me dije Edmond Haxhinasto, i cili ka ndarë një foto të prindërve, teksa mbajë dorën e bebit të porsalindur dhe shkruan: “Mirëseerdhe, jetë të gjatë, shëndet e mbarësi, Gregory Naço, që na dhe shumë gëzim dhe na i zbukurove më shumë jetët tona”.
Po ashtu edhe deputeti Nasip Naco ka ndarë një foto të nipit të porsalindur teksa shkruan: “Sot, në orën 11:11, ju bashkua familjes, Gregory Naço”.
Kujtojmë që edhe pse jetë janë krushq, në politikë Edmond Haxhinasto dhe Nasip Naço janë kundërshtarë, pasi ky i fundit braktisi LSI-në dhe iu bashkua Partisë Socialiste, ku u zgjodh deputet në qarkun e Beratit.
