Është shkarkuar nga Kadastra, Dallëndyshe Bici pasi u emërua në krye të IKMT-së. Në krye të Kadastrës është emëruar Lorena Goxhabelli, ndërsa Bici zëvendësoi Ervin Hoxhën, i cili mori postin e ministrit të Brendshëm.
Lorena Goxhabelli më herët ka punuar si Këshilltare Ligjore në Ministrinë e Bujqësisë. Goxhabelli ka qenë po ashtu Këshilltare e jashtme ligjor për pronësinë në Kabinetin e Ministrit të Mbrojtjes që prej qershorit 2022. Gjatë viteve 2014 – 2017 ka mbajtur postin e Këshilltares Ligjore të Zëvendëskryeministrit dhe më pas Këshilltares Ligjore të Ministrit të Bujqësisë dhe Zhvillimit Rural, deri në maj 2022.
Goxhabelli ka qenë pjesë e Administratës Publike në vitet 2007-2009, në Drejtorinë Juridike dhe në Drejtorinë e Licencave dhe Menaxhimit të Kontratave në Ministrinë e Ekonomisë, Tregtisë dhe Energjetikës. Po ashtu është anëtare e Dhomës Kombëtare të Avokatëve që nga viti 2006.
