Raporti i Institutit për Studimet Politike mbi efikasitetin e deputetëve në sesionin e shkuar ka bërë një renditje të deputetëve më pak efikasë gjatë periudhës janar-gusht 2024.
Agron Çela (PS), Gledis Çeliku (PSD), Gertjan Deda (PSD), Niko Kuri (PS/MEGA), Shkelqim Bullari (PS) dhe Tatiana Piro (PS) janë 6 deputetët më pak efikasë që paguhen kot.
“Nga të dhënat monitoruese janë gjashtë deputetësh që nuk kanë arritur të lënë “gjurmë parlamentare” në sesionin e fundit parlamentar, duke mos pasur asnjë angazhim personal në komisionet e Kuvendit dhe as në seancat plenare. Nuk është vetëm çështje statistikore (0 fjalime), por është shumë më komplekse, ata nuk kanë iniciuar asgjë, nuk kanë bërë asnjë propozim, nuk kanë folur për asgjë dhe nuk kanë ushtruar kështu pjesën më të madhe të detyrimeve kushtetuese dhe ligjore parlamentare”, thuhet ne raportin e Institutit për Studimet Politike.
