Hetimet e Prokurorisë së Posaçme të nisura ndaj Ilir Meta dhe ish-bashkëshortes Monika Kryemadhi janë në fazën përfundimtare.
Mësohet se SPAK ka përfunduar marrjen në pyetje të personave që kanë dhënë sqarime mbi hetimet e Prokurorise se Posacme të nisura ndaj ish-presidentit Meta dhe deputetes së Partisë së Lirisë, Monika Kryemadhi për veprat penale të ‘pastrimit të parave’ dhe ‘mos deklarimit të pasurisë’, shkruan “Abcnews.al”
Tashmë hetuesit janë duke shqyrtuar dokumentat e sekuestruara që pritet t’i vijnë në ndihmë hetimeve të nisuara ndaj çiftit Meta-Kryemadhi. Gjatë muajti korrik në SPAK u pyetën edhe Meta e Kryemadhi në cilësinë e personave që kanë dijeni. Gjithashtu në pyetje është marrë edhe nëna e Monika Kryemadhit, Fatime Kryemadhi, por edhe persona të tjerë, që kanë lidhje me disa transaksione bankare që janë trasferuar në drejtim të fëmijëve të çiftit Meta-Kryemadhi.
