Nis me debate seanca e sotme parlamentare, ku të pranishëm ishin edhe deputetët e Partisë Demokratike.
Edhe pse opozita u kthye për diskutime në seancë, sërish deputeti i PD, Dashnor Sula ka gjetur një mënyrë epike për të protestuar. I veshur me rroba që mbajnë të burgosurit, me pranga në duar dhe me një parrullë “Stop dënimit Politik”, Sula është futur në Parlament.
Teksa deputeti Dashnor Sula tundte prangat në Kuvend, kryetarja e Parlamentit Elisa Spiropali i kërkon deputetit të PD që të ulet dhe të vazhdojnë normalisht punimet.
“Zoti Sula uluni, Garda nuk është aty dhe nuk pengon. E keni seriozisht që keni ardhur për të diskutuar sot në seancë. Ju lutem uluni”, tha Spiropali.
