Në një intervistë për “Top Channel”, Ili Meta thotë se në qeli ka vijuar të stërvitet me kushte të vështira, por thekson se nuk ka kërkuar palestër ashtu siç është përfolur në media.
Pyetje: Thuhet në media se keni pasur kërkesa specifike, si për shembull një palestër që të stërviteni?
“Normal që gazetarja e Dumanit do të vazhdojë të shpërndajë shpifje për jetën time edhe në burgun e Narko-regjimit. Unë vetëm kam pyetur a ka palestër dhe asgjë më shumë. Unë vazhdoj të ushtrohem çdo ditë duke shpikur ushtrime sipas rrethanave. Jemi në maratonë dhe nga këtu do të dal në top formë. Për dijeni edhe orën e dorës që ma morën ditën që më rrëmbyen ma kthyen vetëm pas 10 ditësh. Dhe për këtë qëllim stërvitem çdo ditë edhe pse në kushte të vështira. Shpik çdo ditë ushtrime të reja. Disa m’i ka mësuar Ylli Bodinaku nga përvoja në Spaç”, tha Ilir Meta.
