Gazetarja Alketa Shaba zbuloi detaje të fundit në lidhje me tre çështjet më të bujshme atë të Ilir Metës, ish-deputetit Jurgis Çyrbja dhe ish-kryebashkiakun Safet Gjicin.
Gazetarja ka treguar se ditën e sotme u hodh shorti elektronik për të parë kush do të shqyrtojë dosjen e Metës dhe Kryemadhit të cilët akuzohen për tre vepra penale: “Fshehje e pasurisë”, “pastrim parash” dhe “korrupsion”. Meta ka ankimuar vendimin e tij në Apelin e Posaçëm, por ditën e sotme shorti elektronik përcaktoi gjyqtaren Igerta Hyson për këtë shqyrtim.
Është hedhur shorti edhe për Jurgis Çyrbjan i cili do të shqyrtohet nga e njëjta gjyqtare si ajo e ish-Presidentit Meta. Deri tani është hedhur vetëm shorti dhe pritet të përcaktohet data kur do të shqyrtohen këto çështje.
Përsa i përket Safet Gjici pati një seancë në gjykatën e Elbasanit pasi ka kërkuar lirimin e tij për shkak të një problem shëndetësor por kjo kërkesë është rrëzuar nga tre shkallë. Gjici është i shtruar në një spital privat dhe Gjykata e Elbasanit ka vendosur tre mjeke ekspertë që të vërtetojnë nëse ish-kryebashkiaku ka problem shëndetesor.
