Një lajm i trishtë për artin shqiptar.
Muzikanti dhe promovuesi i vlerave më të mira shkodrane, Karlo Radoja, ka ndërruar jetë. Ai jetonte në Itali prej më shumë se 25 viteve por mbajti përherë në zemër Shkodrën e tij.
Karlo Radoja e nisi karrierën e tij si instrumentist në teatrin “Migjeni” por mbeti në histori edhe si tropmpetisti i orkestrinës fantastike të Kafes së Madhe, bashkë me emra të tjerë të njohur të artit shkodran.
Karlo Radoja ishte pinjoll i një familje shkodrane, e cila kaloi një jetë mjaft të vështirë në diktaturë. Ajo u persekutua nga regjimi i kohës dhe vetë Karlo, rrëfeu në një libër që publikoi, një pjesë të këtij kalvari.
