Me porosi të kryeministrit Edi Rama, PS ka propozuar datën 11 Maj për zhvillimin e zgjedhjeve parlamentare te vitit 2025.
Pas takimit me Presidentin, Bajram Begaj, Sekretari i Përgjithshëm i PS, Blendi Klosi theksoi se kjo datë është kërkuar për t’ju krijuar sa më shumë kohë emigrantëve të cilët do të marrin pjesë në procesin e votimit.
“Për të përgatitur sa më shumë këtë proces dhe për tu lënë sa më shumë kohë të gjithë emigrantëve që duan të marrin pjesë në të drejtën e tyre për të votuar në zgjedhjet në Shqipëri ne kemi propozuar që data 11 maj si data më e skajshme e mundur nga hapësira që të jep kodi zgjedhor të jetë data e zgjedhjeve. Do të donim shumë që të gjithë emigrantët të nisin procesin e tyre të regjistrimit dhe pastaj të pregatitjes për ditën e votimit dhe tu krijojmë mundësi jo vetëm organizimit por edhe të kujtdo individ që do të marri pjesë në këtë proces”, deklaroi Klosi.
