Belind Këlliçi ka treguar detaje se çfarë pritet të ndodhë nga protesta e militantëve demokratë të cilët kanë marrë urdhër të bllokojnë “nyjet” kryesore të Tiranës duke paralizuar qarkullimin e automjeteve.
“Besniku” i Sali Berishës, Belind Këlliçi paralajmëroi se opozita ka marrë informacione për mundësinë e përshkallëzimit të dhunës.
“Asnjëherë PD nuk ka përdorur mbështetësit e saj si mish për top, kjo nuk do ndodhë asnjëherë. Kemi marrë informacione që pritet të ketë përshkallëzim të dhunës nga policia. Në ballë të aksionit sot do të jenë deputetët dhe anëtarët e kryesisë së PD. Nuk kemi kërkuar kurrë konrfontim me policinë, problemin e kemi me keqqeverisjen”, tha Këlliçi në News24.
