Flamur Noka tha se mazhoranca socialiste është tmerruar dhe ndodhet nën panik nga protesta e dhunshme e opozitës.
Noka paralajmëroi se revolta e militantëve të Berishës do të mbërrijë deri në Surrel, atje ku banon kryeministri Edi Rama.
“Po përmbushim misionin e opozitës. Banditët me uniform të rekrutuara nga rilindja kërkojnë të intimidojnë dhe të kërcënojnë opozitën. I them nipit të Enver Hoxhes dhe Ramës, largoni duart nga qytetarët. Ky është një mesazh që ua përcjell sot nga ky vend. Asgjë nuk mund të ndalojë, jo mercenarë, jo kriminele, jo trafikantët, askush nuk e ndal dot mosbindjen civile. Janë të tmerruar, vala e revoltës qytetare do të mbërrijë edhe në Surrel”, tha Noka.
