Kreshnik Spahiu ka komentuar protestën e Berishës i cili shkaktoi kaos duke bllokuar rrugët në Tiranë.
Spahiu thotë se nuk përmbyset regjimi me 20 autobusë protestuesish që vinë nga fshatrat. Kjo pjesëmarrje e ulët në protestë, sipas Spahiut nuk e dobëson qeverinë, por e forcon atë.
“Me 20 autobusë nga fshatrat kërkojnë të bllokojnë kryeqytetin. 20 autobusë me militantë, me 3 mijë veta ti nuk përfaqëson dot popullin dhe në fund kjo nuk përkthehet në dashuri dhe mbështetje por urrejtje. Kjo redukton votat e opozitës. Po mbledhin më pak njerëz se partitë e reja. Si mund të rrëzosh regjimin e Tiranës kur s’ke 500 tironsa në protestë. Këta e forcojnë Ramën me protesta të vogla. Si mundet një parti opozitare, të katandiset me 200 veta protestë para bashkisë, ja 500. Si ka mundësi 500 protestues, në kauzën më të fortë kur ti je në ditën më të vështirë“, tha Spahiu.
