Sali Berisha ka dhënë përgjigjen e tij nëse ka ndryshuar qëndrim ndaj SPAK pas lirimit nga arresti shtëpiak.
Berisha deklaroi se nuk mund të ndryshojë mendim për ata që i quajti “një grup kriminelësh në SPAK”, që sipas tij, kanë tentuar të blejnë heshtjen e tij.
“Kurrë nuk paragjykoj një njeri që nuk e njoh, që s’di gjë për të. Të falënderoj unë apo të ndryshoj mendim për një grup kriminelësh që ndajnë pasuritë e krimit me të pandehurit e tyre, unë atë nuk e bëj kurrë. As pajtohem, as nuk hesht. Të ndryshoj mendim për një grup që tentoi të blejë heshtjen time, as imagjinohet kurrë“, tha Berisha.
