Sali Berisha pati deklaruar se ai do të jetë kandidat për kryeministër në zgjedhjet e ardhshme parlamentare.
Por mesa duket është kthjelluar nga vetvetja por edhe nga sondazhet të cilat e nxjerrin humbës dhe se ka vendosur që të gjejë një kandidat potencial për kryeministër, që nuk ka qenë asnjëherë në qeveri dhe që nuk ka akuza politike apo nga drejtësia, raporton gazeta “Koha Jonë”.
Me këtë lëvizje surprizë Berisha mendon se do të mund të tërheqë votat e pjesës gri të votuesve. Burimet thanë se Berisha po lufton të marrë vota nga diaspora ndaj në janar do të nis një tur takimesh në Itali, Greqi, Gjermani dhe Francë. Në SHBA dhe Britaninë e Madhe ai nuk lejohet të hyjë se është “person non grata”.
Berisha do të jetë i pari në listën e PD si kandidat për deputet. Pas tij do të vendos Ilir Metën e PL, i cili ndodhet në burg, por ligji nuk e ndalon të jetë në listë për deputet.
