Ylli Manjani e cilësoi të gabuar kontrollin e ushtruar nga agjentë të BKH ndaj kryebashkiakut Erion Veliajt dhe bashkëshortes së tij Ajola Xoxa, në një kohë që nuk ka një vendim gjykate.
Sipas Manjanit, nuk ka një hetim pasuror ndaj Erion Veliaj, por ndaj vëllait të tij.
“T’i hysh tjetrin me një batalion me policë në shtëpi për ta nxjerrë nga shtëpi, abuzive është. Është gënjeshtër e madhe që është urdhëruar kontrolli i Veliajt, është urdhëruar kontrolli i pasurive të vëllait të Erion Veliajt. Në çfarë ligji mbështetet kjo? Nuk ka një hetim pasuror ndaj kryetarit të bashkisë Tiranë, flas me letrat e vulosura. Është urdhëruar jo kontrolli i banesës së Veliajt, por kontrolli personal i zonjës Ajola Xoxe. Nuk është urdhëruar marrja e celularit nga gjykata, si kanë shkuar? Nuk ka qenë vendim gjykate, ka qenë 2 gisht letër, është shkurtim vendimi”, tha Manjani.
