Shorti për Kupën e Botës e vendosi Shqipërinë 10 vite pas sfidës historike të Beogradit, përballë Serbisë, në grupin K, ku janë po ashtu edhe Anglia, Letonia dhe Andorra.
Vlen të theksohet se shorti i ka pëlqyer teknikut të kombëtares serbe, Dragan Stojkoviç i cili tha se ndihet i lumtur që do të luajë në stadiumin e bukur të Tiranës.
“Një grup shumë sfidues. Shqiptarët kanë treguar përmirësim në lojën e tyre së fundmi dhe sigurisht që do të jenë një kundërshtar i vështirë. Jam i lumtur që do të luajmë në Tiranë në stadiumin e bukur ku u luajt edhe finalja e Ligës së Konferencës. Jam i vetëdijshëm se për publikun ato dy duele do të jenë interesante për disa arsye të tjera. Për sa na përket neve, nuk vihet në dyshim asgjë që nuk ka lidhje me futbollin. Ekskluzivisht një histori sportive, një sfidë e madhe dhe një mundësi për dy paraqitje cilësore futbollistike”, u shpreh Stojkoviç.
