Një shqiptare në New York e ka takuar këngëtaren e madhe, Parashqevi Simaku.
Në videon e postuar, zonja që e takoi e këshillon këngëtaren shqiptare që të mos dorëzohet, ndërsa Parashqevia i shpreh mirënjohjen për përshëndetjen dhe fjalët e ngrohta, duke shtuar se është hera e parë që ajo flet shqip me dikë pas shumë vitesh.
“Me ty për herë të parë që kam folur shqip, kam harruar të gjithë këto vite dhe kam harruar”, dëgjohet të thotë Parashqevia.
Pavarësisht sfidave të jetës, Parashqevia e ka ruajtur buzëqeshjen e saj të ngrohtë, që nuk e heq nga fytyra, duke përcjellë forcë dhe shpresë për të gjithë ata që e shohin. Nuk mungojnë as bisedat e saj për historinë dhe traditën shqiptare.
“Ne shqiptarët jemi ajo që ka mbetur nga Roma, Greqia, Perandoria Austriake… Disa prej nesh kanë ardhur që nga koha e Skënderbeut atje. E keni ruajtur atë traditën austro-hungareze. Ata qeshin, duken rrezatues, nuk e njohin vuajtjen dhe të keqen”, thotë këngëtarja.
