Rajmonda Xhafa, vajza e tezes së Parashqevi Simaku, ka rrëfyer se prej më shumë se 1 dekade nuk kanë asnjë kontakt me kengetaren e njohur shqiptare.
Pas kësaj periudhe, Simaku është përballur me sfida të shumta, që kulmuan me divorcin nga bashkëshorti rreth vitit 2006, i cili i mori edhe kujdestarinë e djalit, Lukës, i cili sot është 22 vjeç.
Kushërira e Parashqevi Simaku tregon se si ish-burri i këngëtares i paralajmëroi familjarët se një ditë mund ta gjenin në koshin e plehrave.
“Bënë dasmën në Amerikë. Lindi fëmijën, Lukën. Shkoi tezja një vit dhe nuk ia panë pasaportën që duhet ta shkelte çdo 6 muaj dhe mori ekspuls. Nuk shkeli më në Amerikë, gjithë jetën lot ka derdh se nuk e pa më atë fëmijë. Aty filluan debatet me te shoqin, bëri disa disqe në anglisht. Nuk u eci, u divorcuan. Ia mori djalin. Ne mësuam me të dhëna, kemi vite që nuk komunikojmë me të. U bë shumë vite. Nuk na lejonte tezja. Se daja thonim ta kërkojmë tek Aida Shtino. Jo thonte e ëma, mos mi nxirrni namin gocës. Të gjithë janë lodhur për ta kërkuar, nusja vëllait, goca e vëllait. Burri i Parashqevi Simaku përgjigjej ashpër, hajdeni merreni se nuk e dua më, kam marrë tjetër. “Se një ditë do ta gjeni në koshat e plehrave” thonte ai. Ne u mërzitëm shumë“, tregon kushërira Parashqevi Simakut.
