Kryefjala e ditës dhe shqetësimi i të gjithë shoferëve në Tiranë është parkimi. Tarifat e parkimit në Tiranë variojnë nga 300 – 1000 lekë në varësi të zonave të parkimit dhe kohës së qëndrimit.
Në Tiranë, në zonën A ka 3033 vendparkime, në zonën B – 1198 vendparkime dhe në zonën C 536 të tilla, nga totali i të cilave për 747 janë lidhur kontrata për parkimin me pagesë, 1600 janë subjekte taksi dhe 1442 subjekte të abonuara.
Disa prej sheshparkimeve do të mbyllen si sheshparkimi Avni Rustemi me 28 vende, por në përfundim të projektit do të ketë 180 vende, sheshparkimi “Asllan Rusi” me 116 vende, sheshparkimi pranë Qytetit Studenti me 108 vende, sheshparkimi pranë Infosoft-it me 37 vende.
Numri i vendparkimeve të parashikuara nëpër sheshe për vitin 2025 pritet të jetë 1,235 nëpër sheshe dhe 63 nëpër terminale. Pavarësisht efekteve negative, Bashkia e Tiranës parashikon të përmirësojë menaxhimin e kapaciteteve ekzistuese dhe hapjen e zonave të reja në menaxhim nga Tirana Parking.
