Plator Nesturi është emëruar Prefekt i Qarkut të Vlorës, duke zëvendësuar Vangjel Tavon, i cili tashmë drejton Bashkinë e Himarës.
Nesturi, një figurë me përvojë në diplomaci, ka shërbyer më parë si ambasador i Shqipërisë në Spanjë. Së fundmi, ai është bërë i njohur për opinionet e tij në media si analist i çështjeve të ndryshme.
Vendimi për emërimin e tij në postin e ri u miratua gjatë mbledhjes së sotme të qeverisë.
