Presidenti Bajram Begaj dekreton lirimin e Mustafa Nanos nga detyra si ambasador në Zvicër.
“Presidenti Begaj dekreton lirimin e zotit Mustafa Nano nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Konfederatën e Zvicrës, rezident, si dhe nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Principatën e Lihtenshteinit, jo rezident”, thotë njoftimi.
Në fund të dhjetorit, Mustafa Nano, ka dhënë dorëheqjen nga detyra e tij pas një periudhe 1-vjeçare e gjysmë në këtë post. Në mesazhin e tij, Nano theksoi se gjatë mandatit të tij ka punuar për të unifikuar shqiptarët në Zvicër, një komunitet prej mbi 300,000 personash, ku pjesa më e madhe janë nga Kosova, ndërsa rreth 3,000 prej tyre janë nga Shqipëria.
