Baba Mondi, në aktivitetin e zhvilluar për 95-vjetorin e vendosjes së Kryegjyshatës Botërore të Bektashinjve në Shqipëri, i ka shprehur mirënjohjen kreut të qeverisë Edi Rama.
“Ne shprehim mirënjohjen tonë qeverisë shqiptarë dhe veçanërisht kreut të saj, Zotit Edi Rama, që është treguar i vëmendshëm i ndjeshëm ndaj kësaj domosdoje, duke afruar mundësinë për një zgjidhje sa më të përshtatshme të statutit në fjalë.
Stabilizimi i mundshëm i një statuti juridik ndërkombëtar të urdhrit bektashi dhe Kryegjyshatës botërore të tij do ti kujtohej prej nesh jo vetëm si dëshmi me shumë mirëkuptim nga ana e shtetit shqiptar ndaj komunitetit tonë por edhe si një faktor i ri për forcimin e mirëkuptimit dhe harmonisë mes komunitetit tonë dhe komuniteteve të tjera fetare në Shqipëri dhe në botë. Zoti na bekoftë të gjithëve.” – tha Baba Mondi
