Pas arrestimit të Veliaj, kryeministri Edi Rama ka shprehur opinionet e tij si dhe ka kritikuar SPAK-un.
Rama tha se SPAK është nxituar duke futur në burg Veliajn, ende pa u bërë gjyqi për kryebashkiakun socialist, i cili sipas kryeministrit po trajtohet si kriminel.
“Nuk e di si prokurorët dhe gjykatësit bashkë kanë arritur në atë pikë që edhe një nënë me një fëmijë 6 vjeç ta dënojnë me arrest shtëpie pasi babain e kanë çuar në paraburgim. Kush do e cojë dhe marrë këtë fëmijë nga shkollë, kush do i japë për të ngrënë dhe me radhë. Kemi pasur raste të tjera që hetohen në gjendje të lirë, të çojnë fëmijët në shkollë. Raste të tjera janë trajtuar ndryshe. Po e trajtojnë sikur kriminelët e kriminelëve janë Erion Veliaj dhe e shoqja dhe fëmija 6 vjeç. Cilat janë krimet që janë zbuluar për ta lënë Tiranën pa kryetar bashkie pa gjyq? Kush janë krimet e provuara, jo të promovuara nëpër media dhe nga gojët më të ndyra, nga bufi i kënetës“, tha Rama./ Rilindje.info
