Kryeministri Edi Rama sulmon gjyqtarin Erion Bani i cili ka në dorë “fatin” e Veliajt.
Kreu i qeverisë thotë se dosja “Veliaj” u la pikërisht këto dy javë, pasi t’i vinte radha gjyqtarit që, sipas tij, kishte qëllim të pastër për të kryer “arrestimin politik”.
Rama ka informacion se asnjë gjyqtar i GJKKO nuk ka pranuar të burgosë Erion Veliajn.
“Qartazi është selektuar gjyqtari në këtë rast dhe ju informoj se gjyqtarët e tjerë nuk kanë pranuar që t’i rrinte të njëjtës kërkesë për arrest, sepse gjyqtari vetëm e zbut masën e prokurorit dhe jo ta ashpërsojë. Ky gjyqtar (Erion Bani) e ka nisur karrierën me një koleg, e keni deputet këtu, s’po ia them emrin, kur ministër ishte Eduart Halimi. Ky dhe një tjetër, të njohur familjarisht si eksponent të PD-së, kanë ndjekur eksponentë të PS. Ka ndjekur shumë masa, vepra, kërkesa, masa shtesë, i tillë është edhe rasti x, që diskutohet shumë si skandal në të gjitha rrethet e juriste. Bëhet fjalë për dy kamikazë të PD-së në GJKKO, që se kanë asnjë problem që ta shprehin marrjen në dorë të këtij dhe atij dhe ta shprehin duke thënë se “ne do t’i shkrijmë”, tha Rama./ Rilindje.info
