Florian Pullazi, i njohur për angazhimin e tij të gjatë dhe të suksesshëm si Administrator i Njësisë Nr.2 në Tiranë, është emëruar drejtues i shoqërisë shtetërore të sigurisë “Illyrian Guard” Sh.a.
Institucioni njofton se administratori i ri është prezantuar nga vetë zëvendësministri Xhemal Qefalia, sekretarja e përgjithshme e Ministrisë së Brendshme, Kledia Ngjela dhe këshilltarja Arlinda Topçiu.
Ky prezantim vjen në kuadër të vijimësisë së drejtimit dhe organizimit institucional të shoqërisë, e cila ka si përgjegjësi ofrimin e shërbimeve të sigurisë fizike në funksion të mbrojtjes së institucioneve dhe subjekteve që i kanë besuar ruajtjen e tyre “Illyrian Guard” Sh.a.
Gjatë drejtimit të shoqërisë nga Florian Pullazi, vëmendje të veçantë do të ketë forcimi i strukturave organizative, rritja e kapaciteteve profesionale dhe përmirësimi i vazhdueshëm i standarteve të shërbimit.
Florian Pullazi është një djalë i Tironës rritur mes rrugicave të saj dhe njerëzve të saj. Pjesën më të madhe të jetës ia ka kushtuar politikës dhe strukturave socialiste, duke besuar se politika është mjeti më i fuqishëm për të sjellë ndryshim të vërtetë.
