Kryeministri Edi Rama ka garantuar Shqiptarët se SPAK-un nuk do ta shkrijë dot Sali Berisha, ose siç i thotë ndryshe “bufi i kënetës”.
Rama konfirmoi se Amerika është tërhequr nga financimi i SPAK-ut por pavarësisht kësaj Prokuroria e Posaçme do të vazhdojë punën e pavarur.
“SPAK nuk është i imi por i kushtetutës dhe reformës në drejtësi. Në reformën në drejtësi marr autorësinë bashkë me PS. Tani dhe Amerika është tërheq siç e keni pa nga kjo punë. Nëse SPAK do e kish sjellë Amerika, tani që Amerika është tërheq nga kjo punë do e kishte marrë me vete, SPAK ka vetëm një garanci, e vetmja garanci në kushtet e kësaj lufte të gjithanshme që i bëhet nga këneta me në krye bufi plak, është Partia Socialiste dhe unë në krye të saj. Rrotullojeni nga të doni, refomën në drejtësi e kam bërë unë dhe PS dhe e garantojmë vetëm ne. Ka plot gjëra që nuk shkojnë edhe me SPAK është një institucion i ri me shumë probleme, ka krijuar vetëbesimin e pavarësisë. Askush nuk mund të thotë sot që SPAK është i kapur nga unë. Është i pavarur por sfida është që pavarësia të jetë garanci për profesionalizëm”, u shpreh Rama.
