Gazetari Ardit Rada komentoi deklaratën e bërë nga Sali Berisha se do të shkrijë SPAK-un.
Në një intervistë për “Ora e fundit”, Rada tha se Berisha po luan me të gjitha kartat dhe nuk premton asgjë veçse një “drejtësi të plepave”.
“Mendoj që Berisha po luan të gjitha kartat për të fituar vota, po tallet me shqiptarët. Ka kërkuar shkrirjen e SPAK, këtë luftë kundër drejtësisë e ka nisur në momentin kur ka pasur problem me këtë drejtësi. Në këtë kuptim, Berisha dhe premtimi para zgjedhjeve është se do të shkatërroj reformën në drejtësi dhe shqiptarëve do t’u japë drejtësinë e projektuar prej tij. Pa llogaritur ish-drejtorë Policie e ish-shefa Shtabesh të Ushtrisë që pa pikë turpi i bëri deputetë. Çka tregojnë se s’është respektuar pavarësia e institucioneve dhe këta kanë qenë ushtarë të PD. Berisha nuk premton asgjë përveç drejtësisë së plepave që themeloi dikur”, u shpreh Ardit Rada.
Në krahun tjetër kryeministri Edi Rama ka garantuar Shqiptarët se SPAK-un nuk do ta shkrijë dot Sali Berisha, ose siç i thotë ndryshe “bufi i kënetës”.
