Kryeministri Edi Rama zhvilloi një takim me punonjësit e bashkisë së Tiranës në “Sheshin Skënderbej”.
Në momentin kur dëgjoi thirrjen e Ezanit nga Xhamia aty ngjitur, kryeministri Rama ndërpreu menjëherë fjalën e tij në shenjë respekti.
Rama u shpreh se fjalën e nisi me kambanën e Kishës Ortodokse dhe vijoi me Ezanin.
“Kur erdha në Bashki do fusja ngrohjen në shkolla, por vareshin nga qeveria dhe ministri i kohës tha jo, i kemi klasat me shumë nxënës dhe mund të ngrohen me sobë dhe frymën e njëri-tjetrit. (dëgjohet Ezani) Filloi me kambanën e kishës Katolike dhe vijoi me Ezanin, e ku ka më mirë. Më fal…(Qetësi)”, tha Rama.
Menjëherë pas këtij momenti, Rama ka nisur fjalën duke përmbledhur ndryshimet që ka pësuar kryeqyteti nën udhëheqjen e Partisë Socialiste.
