Tashmë është zyrtare, në shtepine e Big Brother VIP ka mbërritur zarfi i zi për shkak se Gjesti ka dalë nga rrethimi i shtëpisë së Big Brotherit duke kërcyer sipër murit rrethues.
Më në fund produksioni ka konfirmuar këtë ngjarje me një vendim zyrtar, të komunikuar përmes zarfit të zi, i cili u lexua nga Kelly para gjithë banorëve.
Përmbajtja e zarfit të zi: “Banorë, Vëllai i Madh ju njofton se Gjesti ka shkelur rregullat duke kaluar murin e oborrit. Ai është hedhur në rrethimin e dytë brenda perimetrit të shtëpisë, i cili është po ashtu 24 orë nën monitorimin e kamerave dhe stafit të sigurisë. Vëllai i Madh e ka rikthyer Gjestin menjëherë brenda pasi ai është siguruar se gëzon shëndet të plotë. Të shtunën në ‘live’ do të njoftoheni për detajet dhe vendimin e marrë”.
Menjëherë pasi u lexu zarfi i zi, Gjesti mori fjalën duke kërkuar falje duke thënë se veprimin e tij e beri për shkak se ndihej i rënduar psikologjikisht.
Nuk dihet nëse Gjesti do të eliminohet nga gara por produksioni i Big Brother mund të tolerojë duke pasur parasysh që Gjesti vjen nga izolimi në izolim dhe është banori më i preferuar i publikut.
