Sali Berisha konfirmoi se Ilir Meta (nga burgu) do të jetë në listën e sigurtë për deputetë në Partinë Demokratike.
Si të mos mjaftonte kjo, Berisha ka premtuar në total 4 mandate të sigurta për Partinë e Lirisë, e cila sipas të gjitha sondazheve, ka humbur në mënyrë drastike votat e elektoratit.
Ndërkohë, Berisha do të japë edhe 4 mandate për aleatët e tjerë të PD-së, një prej të cilëve i përket sigurisht Fatmir Mediut.
Në një kohë kur sondazhet tregojnë se më “11 maj” PD nuk fiton më shumë se 40-45 mandate, Sali Berisha me një të rënë të lapsit u “dhuron” 8 mandate partive aleate ndërsa demokratët heshtin.
Çudia vjen nga brenda PD, ku askush nuk “pipëtin” për favoret e Berishës që ua jep mandatet kujt dëshiron vetë.
Gaz Bardhi momentalisht nuk mund të flasë, se është “nën ethet” e listës për deputetë që do dalë nga zyra e Berishës. Por pas humbjes së mundshme të “11 majit”, ndoshta fillon e flet!
