Vendimi i Apelit të GJKKO për Erion Veliajn, i cili kërkon lirinë, është shtyrë për datën 12 mars, ora 12:30.
Shtyrja është bërë pasi avokatët e Veliajt të cilët kërkojnë kohë që të njihen me provat e reja. Ndërkohë mësohet se Erion Veliaj ende nuk ka parashtruar argumentet e tij para “togave të zeza”.
Më herët, avokati i Veliajt, Ermir Beta ka bërë parashtrimet dhe duke këmbëngulur që masa e sigurisë “arrest në burg” për Veliajn, duhet të shfuqizohet dhe se kryebashkiakut t’i jepet mundësia të dalë nga paraburgimi.
Avokati ka thënë se Veliaj nuk ka asnjë rrezik të prishë provat apo t’i dëmtojë ato si dhe as të intimidojë dëshmitarët.
Ankimimi i Veliajt i cili u arrestua më 10 shkurt, po e shqyrton gjyqtari Engert Pëllumbi, i cili njihet si gjyqtari që dënoi me burg ish-ministrin e Brendshëm Saimir Tahiri.
