Pozita e Erion Veliajt mund të rëndohet nga provat e reja të cilat posedon SPAK.
Gazetarja Klodiana Lala ka deklaruar në emisionin “Open” se Erion Veliaj është përgjuar me autorizim të gjykatës në qeli teksa ka folur në telefon jo vetëm me vëllain e tij por dhe persona të tjerë, duke tentuar të intimidojë njerëzit e drejtësisë.
Sipas gazetares përgjimet i përkasin datës 13 Shkurt, kur Erion Veliaj u transferua në paraburgimin e Durrësit.
“Flitet për kontrata, fatura dhe transaksione bankare. Gjithashtu flitet edhe për disa udhëtime. Ajo çfarë ka qenë surprizë për avokatët janë disa përgjime. Veliaj është përgjuar në ambientet e paraburgimit të Durrësit. Më 12 shkurt iu komunikua akuza dhe më 13 shkurt, sipas urdhrit, Veliaj u transferua në paraburgimin e Durrësit, ku i janë bërë përgjime ambientale të autorizuara nga Prokuroria. Veliaj është përgjuar jo vetëm me vëllain, por edhe me persona të tjerë. Sipas prokurorisë, ka tentativa të Veliaj për të intimiduar hetuesit, por edhe prokurorët dhe njerëzit e drejtësisë“, tha Klodiana Lala.
