Kreu i PD-së, Sali Berisha, gjatë një bashkëbisedimi virtual me qytetarët u pyet se sa mandate do të marrë në zgjedhjet parlamentare.
Në përgjigje të kësaj pyetje Berisha tha se koalicioni i tij do sigurojë fitoren më të thellë më “11 maj”, por pa zbuluar numrin e mandateve.
“Unë jam i bindur që 11 maji do të jetë një fitore e thellë e koalicionit për Shqipërinë Madhështore. Dhe, kudo që shkoj, ka një entuziazëm të madh te qytetarët që nuk e kam ndjerë ndonjëherë më parë, qoftë në Shqipëri, qoftë jashtë Shqiptërie”, tha Berisha.
REALITETI – Pavarësisht këtyre pretendimeve të Berishës, është populli shqiptar që si askujt në histori i ka dhënë Edi Ramës besimin për të qeverisur tre mandate radhazi. Madje sondazhet e fundit mediatike parashikojnë më “11 maj” një fitore të thellë të Partisë Socialiste.
