Sondazh nga Eduard Zaloshnja
Në një pyetësor që u shpërndava elektronikisht në fundjavë 10 mijë banorëve të rritur të Shqipërisë (në mënyrë rastësore), ishin disa pyetje rreth prirjes për të votuar kandidatë lokalë për kryebashkiakë.
Më rezultoi se rreth 760 mijë shqiptarë janë të vendosur qysh sot të votojnë për kryebashkiakë socialistë, pavarsisht nëse përballë tyre do të jenë dy apo vetëm një konkurent. Duke ndërthurur përgjigjet e 5700 të anketuarve me të dhënat historike elektorale të 5200 qendrave të votimit që ka Shqipëria, ndërtova një model simulacioni statistikor, për të llogaritur përafërsisht numrin e bashkive që do të fitonte PS-ja, në qoftë se zgjdhjet do të ishin zhvilluar sot.
Nga 10 mijë simulacione të modelit statistikor (që eksploruan të gjitha mundësitë brenda intervaleve të rezultateve të sondazhit dhe të të dhënave historike elektorale të 5200 qendrave të votimit), më rezultoi se PS-ja sot do të fitonte në 39-48 bashki të vendit. Probabiliteti më i madh për fitoren e PS-së në bashki të ndryshme është përqendruar në intervalin 41-44 bashki.
