Ilir Meta thotë se u fut si kandidat në listë të hapur pasi është në kushte të pabarabarta për fushatë elektorale.
Gjatë intervistës në “Opinion” për Blendi Fevziun, Meta u shpreh i bindur se më 11 Maj do të marrë vota duke u zgjedhur deputet nga qelia e burgut.
“Unë do të jem në listë të hapur në qarkun e Tiranës edhe ndër më të votuarit madje. Natyrisht kjo ka qenë kërkesë e Kryesisë e Partisë së Lirisë, por edhe sugjerimi i drejtuesve të PD-së. Për të qenë në listë të mbyllur duke patur në konsideratë izolimin tim ekstrem dhe pamundësinë për të bërë fushatë në kushte të barabarta apo të pranueshme. Ky është gjithashtu një rast i mrekullueshëm për të arritur një rekord të ri, të panjohur, për t’u zgjedhur deputetë nga qelia numër 5. Unë e di pavarësisht nga vështirësia për të bërë fushatë, rezultati do të jetë përtej çdo parashikimi optimist”, tha Meta.
REALITETI – Nga mëngjesi në darkë, dyshja Meta-Berisha thonë se më “11 maj” opozita do ta përmbysë qeverinë, por realiteti është krejt i kundërt pasi Edi Rama sipas të gjitha sondazheve po shkon i sigurt drejt fitores së mandatit të katërt.
